Wanneer talentvolle kreatiewe siele saamwerk, ontstaan daar iets besonders – en Jauni M se jongste enkelsnit, “Storm”, is die perfekte voorbeeld daarvan.
“Storm” is ’n kontemporêre liefdesballade geskryf deur die ontslape en bekroonde liedjieskrywer Johan Oberholzer. Dit verwoord die rustigheid wat ’n mens kan ervaar te midde van chaos – wanneer jy daardie een spesiale persoon het wat jou veilig laat voel.
“Ek was van die begin af verlief op hierdie lied,” sê Jauni M. “Dis ’n pragtige herinnering aan hoe belangrik dit is om iemand in jou lewe te hê wat jou anker kan wees wanneer alles anders deurmekaar is. Ek glo baie mense sal aanklank vind by hierdie tema.”
Die lied is vervaardig deur Murray Lubbe, wat die atmosfeer en emosie van die snit meesterlik vasgevang het. Boonop het Jauni saam met die bekroonde fotograaf Mireia Vilaplana van Barcelona gewerk aan die kreatiewe visuele inhoud van die enkelsnit.
“Van die liedjieskrywer tot die fotograaf – ek was werklik bevoorreg om met van die beste mense in die bedryf saam te werk,” sê sy trots.
Jauni M se loopbaan is gebou op Passie en Deursettingsvermoë
“Storm” is Jauni se derde enkelsnit, en volg op haar vorige suksesvolle uitreikings, “Liefde Soos Dagbreek” en “Niemand Anders”, wat albei goed ontvang is en steeds landwyd oor die radio speel.
Jauni woon tans saam met haar gesin in Dubai, maar haar musiekloopbaan het reeds op ’n jong ouderdom begin.
Sy het van kleins af ’n liefde vir sang gehad en het haar familie graag vermaak met optredes in die sitkamer. Sedertdien het sy haar stem verfyn en ’n merkwaardige loopbaan opgebou wat strek oor byna twintig jaar.
Sy het al saam met bekende kunstenaars soos Ruhan du Toit en Deon Meiring gewerk, en wanneer sy nie musiek maak nie, beoefen sy met passie haar ander beroep as naeltegnikus.
Met “Storm” hoop Jauni dat luisteraars hulself sal herken in die emosie en boodskap van die lied. Dis ’n snit wat oud en jonk sal raak met sy treffende lirieke, meesleurende melodie en strelende stem – alles bestanddele vir ’n lied wat nog lank sal bly leef.
“Storm” is nou beskikbaar op alle digitale stromingsplatforms soos Spotify, Apple Music en YouTube Music.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
