Die Melktert Kommissie speel die naweek by Park Acoustics in Pretoria. Ek het met Jan-Adriaan Korff (die drummer in die orkes) ‘n onderhoud gevoer via e-pos. Hier is wat hy te sê gehad het…
Waar kom die naam “Die Melktert Kommissie” vandaan?
Thys Die Bosveldklong het laaaaank terug, voor die band ‘n naam gehad het, eenkeer ons meisies aangekondig as “Die Melkterte” Na die mans bygekom het is die kommissie gestig.
Die Melktert Kommissie was nogals stil gewees oor die laaste paar jaar. Hoekom was julle so stil gewees?
Ons het van baie jonk af die band voltyds gedoen. Daar was dus nie tyd vir swot en “normale” lewens vestig nie. Ons het in 2009 besluit om ‘n hiatus te neem en op te vang met die studies en families begin.
Hoe het die SA musiek scene verander oor die laaste paar jaar en hoe is julle ervaring van dit?
Alles het verander. Daar was geen maklike manier om jouself te bemark daardie tyd nie. Jy moes venues bel, hulle vertel hoe goed jy is (veral as jy nog nie ‘n CD opgeneem het nie), poster druk en pos, dit op soveel pale en Spar vensters as moontlik opplak en hoop mense sien dit raak.
Sosiale media het alles verander intussen. Mens volg die musikante waarvan hulle hou en die events word direk na hulle geadverteer.
Wat is die snaakste ding wat al met julle op toer gebeur het?
Ons moes al met ons ligte af in die middel van die nag in Potch rondjaag omdat fans ons gevolg het na ons verblyf toe. Ons het ook al by ‘n taxidermy tuisgegaan waar daar opgestopte otters en luiperde op die beddens was.
Wat kan ons van Die Melktert Kommissie se show verwag by Park Acoustics die naweek?
Ons het al klaar bespreek dat ons so min as moontlik gaan nonsens praat sodat ons soveel as moontlik liedjies kan speel. All die oues en ‘n nuwe tune of twee.
Ek wil vir Jan en Die Melktert Kommissie bedank vir hierdie onderhoud en ek wens hulle alles van die beste toe vorentoe.
As jy nog nie kaartjies vir Park Acoustics het nie, kry joune HIER.
Wees op die uitkyk vir gereelde opdaterings in die Music kategorie op Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly oor die beste Suid-Afrikaanse musiek.
🎵 Verken ons Music Hub: Check bietjie ons Music Hub uit vir meer resensies, nuus en aanbevelings.
📅 Kry goeters om te doen: Check ons Upcoming Events of die SA Gig Guide uit.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
