Sakkie & Francois Van Coke Reik “Hey Jy” Uit

Blitsoorsig: Francois van Coke stap buite sy gewone raamwerk met hierdie pop-geïnspireerde liedjie saam met Sakkie. Hunter Kennedy en Johnny de Ridder van Fokofpolisiekar het ook meegeskryf. Die twee kunstenaars het op humorvolle wyse verduidelik waarom hulle saamwerk, en nou kan jy die musiekvideo kyk en die liedjie stream.

Hierdie opgewekte lied met ‘n positiewe boodskap, deur Sakkie en rocker Francois van Coke, sal jou uit jou stoel lig en herhinner oor wat regtig belangrik is: om mekaar lief te hê en te respekteer.

Met hierdie liedjie stap Francois buite sy gewone raamwerk; ‘n bietjie meer na die pop kant toe sonder om dít op te offer wat hom kenmerkend maak.

Francois Van Coke gee ons sy oorspronklike indrukke

“Toe Sakkie my genader het om deel te wees van hierdie song, het ek dadelik gehou van wat ek gehoor het.”

Fokofpolisiekar groepslede, Hunter Kennedy en Johnny de Ridder, het saam geskryf aan hierdie liedjie.

Op verdere navraag oor hoekom hulle saam ‘n liedjie wou opneem, was daar nie ‘n reguit antwoord te kry nie

“Francois van Coke is die coolste ou in die wêreld en ek wou net in sy teenwoordigheid wees en ruik hoe hy ruik.” vertel Sakkie

“Sakkie lyk ook baie cool op foto’s en ek wou deel is sy glorie.” vertel Francois Van Coke

Kyk die musiekvideo vir “Hey Jy” hier onder:

Jy kan “Hey Jy” HIER stroom / aflaai.

Wie is Sakkie? (Geskryf deur Hunter Kennedy)

Sakkie is van Stilbaai af. Hy werk in konstruksie en ontwikkel groener boumateriaal. Wanneer hy nie mense se huise bou nie, bou hy aan sy eie drome om ‘n space ninja te wees en neem ook graag songs op saam met sy vriende. Hy is hier vir ‘n goeie tyd en ‘n lang tyd. ‘n Lang goeie tyd. Hy het al ‘n liedjie saam met Die Heuwels Fantasties, “Days are Dark”, uitgereik en het ‘n kortspeler oppad.

Hou jou ogies oop vir gereelde opdaterings in die Music Videos kategorie op Running Wolf’s Rant.

Verken Running Wolf's Rant

Kry Goeters Om Te Doen