Met sy splinternuwe enkelsnit “Wakker Lewe”, wat vanaf vandag beskikbaar is, nooi Jako Meyer luisteraars om stadiger asem te haal, meer bewus te leef en hoop raak te sien in ’n wêreld wat dikwels oorweldigend voel.
Die liedjie is in Januarie in Potchefstroom opgeneem en is gebore uit ’n idee wat hy al lank koester: om doelgerig en wakker te leef, selfs wanneer alles rondom jou rumoerig raak.
Volgens Jako bevind hy hom tans op ’n sterk plek – beide kreatief en persoonlik. Met “Wakker Lewe” het hy doelbewus gekies vir ’n meer toeganklike klank wat by ’n wyer gehoor aanklank kan vind.
“Die feel-good vibe van die liedjie weerspieël presies waar ek nou in my lewe is,” sê hy.
Jako Meyer bring ’n Voller Klank en Nuwe Energie
Die enkelsnit volg op sy vorige vrystelling, “Spansport”, wat ’n meer akoestiese benadering gehad het. Met “Wakker Lewe” skuif Jako Meyer egter na ’n ryker, voller produksie.
Volgens hom het die nuwe liedjie “’n bietjie meer om die lyf”, met ’n dinamiese klank wat beweging en energie toevoeg sonder om die kernboodskap te verloor.
“Wakker Lewe” is saam met Johan Viljoen geskryf en vervaardig – ’n kreatiewe vennootskap wat Jako as natuurlik en kragtig beskryf.
“Daar is altyd daardie laatnag-oomblik in die ateljee waar jy net wéét iets werk – gewoonlik wanneer die koor begin klik. Johan is ’n meester, en dit maak ’n groot verskil aan die eindresultaat,” vertel hy.
Vir Jako simboliseer “Wakker Lewe” ’n tydperk van positiwiteit, hoop en vryheid in sy eie lewe. Die liedjie gaan oor om elke dag doelbewus aan te pak en jou beste te gee, selfs te midde van uitdagings.
“Dit voel goed om daardie gevoel in ’n liedjie vas te vang,” sê hy. “Ek hoop mense kan net ontspan en saam luister.”
“Wakker Lewe” dien as ’n herinnering om stil te raak, bewus te wees en lig te vind in die alledaagse. Dit is ’n uitnodiging om die oomblik te omhels en met oop oë en ’n oop hart deur die lewe te stap.
Jy kan die liedjie HIER stroom/aflaai.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly oor die beste Suid-Afrikaanse musiek.
🎵 Verken ons Music Hub: Check bietjie ons Music Hub uit vir meer resensies, nuus en aanbevelings.
📅 Kry goeters om te doen: Check ons Upcoming Events of die SA Gig Guide uit.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
